Heusden Klooster120, 14-Apr-1451

bron: http://www.archieven.nl/ 
en:   http://www.bhic.nl/integrated?mivast=235&miadt=235&mizig=210&miview=inv2&milang=nl&micols=1&am
p;mires=0&micode=239&mizk_alle=andel
-------------
archief: 239 Kloosters Marienkroon en Mariendonk in Heusden, 1245 - 1631

Inv.nr. 120
regest 864; 1451 april 14
Richter en heemraden van Andel, Adriaan van Giecen / Steesken Janszn / Jan Hermanszn
van Brakel / Klaas Corelwaartszn / Gerit Wouterszn, oorkonden, dat prior van Mariendonk
in Elshout buiten Heusden overgedragen heeft aan Willem Peterszn:
1/2 morgen onder Andel achter Op-Andelse kerk tegen erfcijns van 2 Beierse gulden
Kopie in groot cartularium (inventarisnr 120) pagina 68

zie scan 92
hierop rechtsboven folio nummer 48 in potlood
en rechtsmidden folionummer 68 in de originele hand
bestand: 239-120-048R.jpg
-------------
transcriptie [bestand 239-120-048R.jpg]
-------------

[folio] 68

Vim? Ded? Inger p[]missor[?] erve datu[m] e[t] ad firma[?].....

Ich Adriaen van Ghiecen een gewaert recht[er] tot Andel doe kont alle[n] lude[n] die desen brieff sullen sien off
horen lesen dat ic dair ae[n] heb gestaen van rechts wegen en[de] m[et] mi als heemraders Steesken Jansz. Jan
H[er]mansz. van Barkel [=Brakel?] Claes Corelwaertsz. en[de] Ger[it] Wout[er]sz. orconden dat voir ons quam die p[ri]or
vand[en] donc
gelegen inden Eylshout bij Huesden en[de] droech op en[de] gaf over ene[n] halve[n] m[er]gen la[n]ts gelegen inden
gericht
van Andel achter die OpAndelsche kerc dair oestw[aar]t is lant gelegen Willem Pet[er]sz. en[de] Westw[aar]t die
Heilighe Geest van OpAndel streckende van Arnt Geritsz. lant tot Willam Petersz. gesaet toe. En[de]
[-voi-] voirt soe is come[n] die p[ri]or vorss. en[de] heeft ov[er] gegeve[n] Willem Peterss. voirss. desen voirss.
halve[n] m[er]gen lants tot ene[n] rechten erftijns des jairs om twe beyersche gulden of payment
dat dair goet voir is inden dach d[er] betalinge alle jair te betalen tot sunte pet[er]s misse inde[n] sulle
En[de] voirt soe sijn dat voirwarde wair dat sak[e] dat Willa[m] Pet[er]ssoen voirss. off sijn erve[n] niet en
betaelden dese voirss. twe beyersche gulden soe mach die p[ri]or voirss. dese voirss. twe beyersche gulden
manen op yemant dies hijss mechtich maect van dies gemeijns co[n]vents wege[n] m[et] ene[n] rich??
en[de] m[et] twe gebueren so sal die maninge staen viertiendage en[de] wa[n]neer die maninge
heeft gestaen veertiendage soe mach die prior voirss. dit voirss. erve aenvangen als sijn
vrij eijgen goet sond[er] yemants wed[er]segge[n] of yema[n]t dies die prior mechtich maect
van des c[on]vents wegen. En[de] voirt soe heeft Willa[m] Pet[er]sz. voirss. dat gesaet dat dair voir aen
leghet opgedragen en[de] ov[er]gegeve[n] en[de] dair ond[er] gesat tot ene[n] rechten ond[er]pand. In ke[n]nisse
d[er] wairheit soe hebben als wij heemraders voirss. gebeden Adriaen van Ghiecen onsen ghe-
waerden recht[er] dat hi desen brieff ov[er] hem en[de] ov[er] ons besegelen wil ov[er] gebreck wille ons[er]
seghel op dese tijt. En[de] ic Adriaen van Ghiecen om beden wil d[er] heemraders voirss. en[de] om
dat ic dair ov[er] heb gestaen als een recht[er] soe heb ic mine[n] segel aen dese[n] brief gehange[n].
Geg[even] int jair onss her[en] XIIII C en[de] enen vijftich opten viertienden dach in april.
-------------
datering:
Sulle/Selle of Sellemaand = februari
dus sint peters misse inden sulle = 22 februari = Petri ad Cathedram
-------------