Heusden Klooster120, 04-May-1461

bron: bron: http://www.archieven.nl/ 
en:   http://www.bhic.nl/integrated?mivast=235&mizig=210&miadt=235&miaet=1&micode=239&minr=1138653&a
mp;miview=inv2

archief: 239 Kloosters Marienkroon en Mariendonk in Heusden, 1245 - 1631

regest 1083; 1461 mei 4
Richter en schepenen van Land van Altena, Peter Sporcman Gewaart /
Steesken Janszn / Klaas Korwartszn, oorkonden, dat Dirk Albertszn
heeft geschonken aan Jan Molenman, priester en monnik op Mariendonk:
perceel land in Andelre Broek op Nederste Sloot
Kopie in groot cartularium (inventarisnr 120) pagina 144
Gecancelleerd

scan 170
bestand 239-120-087R.jpg
---------------
transcriptie
---------------
[latijn:] It[em] qualit p?dra te ingea duenerut ad fic? P. Mole[n]man.

Ic Peter Spackma[n] gewairt richt[er] inde[n] gericht va[n] Andel doe cont allen lude[n] dat ic daer over
gestaen heb als een gewairt richt[er] tot Andel voirss. en[de] met mij Steesken Jansz. en[de] Claes Korwarts
als scepen inden lande va[n] Altena, dat voir ons quam Dirck Aelbertsz. en[de] droech op en[de] gaf
over her Jan Mole[n]man priest[er] en[de] mon[n]ick op die donck bute[n] Huesde[n] een vrij ghijft en[de] eijge[n]-
dom van seve[n] m[er]gen lants gelege[n] in Andelre broeck, alsoe groot en[de] soe cleijen als sij daer
gelegen sijn, als in die dorde ho[e]ve van bove[n] aen die helft van V 1/2 m[er]gen gemeijn met Her-
man des he[re]n rentmeest[er] en[de] drie m[er]gen in die vierde hoeve opte[n] nedersten sloet strecke[n]de
de beijde die ca[m]pen vande[n] afterdijck totte[n] mitgrave toe. Ende noch VII 1/2 hont in die vijfte
hoeve opte[n] nedersten sloet vand[en] vijfter hoeve[n] en[de] leet bij hem selve[n] opte[n] mitgrave. En[de]
[-Dric-] Dirck Aelbertsz. voirss. verteech op [-dat vo-] dit voirgenoemde erve en[de] hij verhalmde daer
nae op tot her Jans Mole[n]man behoef voirss. hoe voennisse der scepen wijsde[n] en[de] recht is. En[de]
Dirck Aelbertsz. waert uut desen voirgenoemde[n] erve geba[n]nen en[de] h[eer] Jan Mole[n]man voirss.
wairt daer in gevrijt hoe vonnisse der scepen wijsden en[de] recht is. Voirt soe quam Dirck
Aelb[er]tsz. en[de] geloefden h[eer] Jan Mole[n]man voirss. dit voergenoemde lant te ware[n] jair en[de] dach
alsmen vrij eijgen erve sculdich is te waren. En[de] alle voerco[m]mer en[de] voerplicht af te doen die hij met
recht sculdich is af te doen naden recht vande[n] lande van altena. In oirconde der wairh[ei]t
soe hebben wij richt[er] en[de] scepen[en] voerg[enoemd] desen brief met onsen segelen besegelt hier aen han-
gende int jair ons He[re]n M CCCC LXI opte[n] vierde[n] dach in meije.
---------------