Gansoijen Leenhof1, 16-Mar-1506

Ic, Jan van Weerdenborch, Hee[re] tot Gansooyen, bekenne myt desen opene brieff voor mij,
mijnen erven ende nacoemelinge ende voor mannen van leen, mijns genedige lieve Hee[re]n 
Hertogh van Gelre [na bescreven] ende van Zutphen, dat gecomen is Hee[r] Willem vand[er] Meer Priester
ende hefft mij ov[er] geg[even] ende opgedragen ende in mijne handen gestelt: drie m[er]g[en] lant die
gelegen sijn inden gerichte van Gellinchem geheyten den ousten droemkens kamp, aen die
een sijde naest gelegen die cruysbrueders ende dat gemeyn convent tot Asp[ere]n, ende aen die and[ere]
sijde naest gelegen Derck Wyllemsz. off wije dat dese landen alomme myt recht naest gelegen
sijn, 
[marge: ende hefft daer voert op naege? myt hant have ende monde,]
alsoe dat die manne van leen hier na bescreven wijsen dat hij daer geen recht meer
aen en hadde, off en behielde, ende ic daer mijne vryen wijl mede doen mochte. Ende die
dit alle gelijck voerss. steet gesciet vas, soe hefft mij hee[re] Wyllem vand[er] Meer Priester
voerss. oetmoetelicken gebeden dat ic dit selve leenguet wolde verlijen en verlenen Jan Heymanss.,
dat ic Jan van Weerdenb[orch], Hee[re] tot Gansoyen voerss. ter oetmoedygen beden Hee[re] Wyllems voerss.
geern gedaen heb ende heb dit selve leenguet verlijdt ende verleent, verlij ende verlene Jan Heymanss. [en]
sijnen erven, tot ene Zutphensen leenrecht erffelicken te hebben ende te besitten dat nu van mij
Jan van Weerdenb[orch], Hee[re] tot Gansoeye mijne erven ende nacoemelinge ende vanden huyse [--]
tot Gellinche[m] schuld is ende pleech te halden, te verheergewaeden myt ene ponde guets gelds
alsoe dic?se ende menichwerve als dat noet gevoert ende ledich wordt. Ende oock soe synt vorwaerden
waer dat seack dat Jan Heymanss sterve sonder blijckende blijvende geboert affter te laten dat
dan dit voerss. leenguet erve ende ve[r]sterven sal op Mergriet sijnre moeder off op hoer naeste erven
gebraeck hoere ende Jan Heijmanss. hefft mij daer hulde ende ede van trouwen aff gedaen en alle
dat gene dat een guet man van leen sijnen leenhee[r] schuldig is ende was te doen behef?telicken
nochtant mij Jan van Weerdenb[orch] Hee[r] tot Gansoeyen voerss. ende ene ygelicken sijns gueden rechte.
Hier hebben over ende aen gewest mannen van leen mijns genedygen Hee[re]n voerss. mit? naam[en] Jan Ottenss.
die Feijter ende Gosen die Jode. In kennisse der waerheyt, soe heb ic Jan van Weerdenb[orch] voerss. mijne
zegel aen desen brieff gehangen, a[nn]o XVC ende ses den XVIsten dach van meerte.

[marge: Jan Heymanss.]