Gorinchem RA130-6, 07-Sep-1560

[f.699]
Den VIIde september ord.
Burchgreef en[de] Clootwijck
Oirconden dat voor ons quamen en[de] compareerden Jan Vogelsanck Goossenssz. ende
Goossen Lambertssz. beijde ingesetene poirteren der voorss. stede. Ende constitueerden
gesamenderhandt, hen selven cautionarysen en[de] borgen voor Frans Peter Ottenssz. en[de]
dat voorde vruchten die int jegenwoirdige jaer tsestich gewassen en[de] gestaen hebben
op seker anderhalven margen mit anderhalf hondt landts gelegen op Oisterwijck
in den lande van Arckell, de welcke inden jaer negen [en] vijftich laestleden bij
schout en[de] scepen[en] deser stede + den voorn. Frans Peter Ottenssz. metterd[aad] aengeschat
sijn naer stilo en[de] costume der camer[en] deser stede uuyt crachte van sekeren
vangbrief bij hem rechtelicken gewonnen  op een[en] Cornelis Petersz. en[de] dyer tijt
woenen[de] int landt van Altena als tot Andel aende Ribbe, breeder blijcken[de] bij den
schatbrief mit vier scepen[en] segelen onder uuythangen[de] besegelt, daer af zijn[de] midts-
gaders oeck voor de vruchten dier naer dit voorss. jegenwoirdighe jaer LX int toecomen[de]
jaer off jaeren noch opwassen en[de] comen sullen. Off [-elck-] voorden pacht [-en-] van
tselve landt int jegenwoirdighe jaer tsestich voorss. gevallen,  off oick voer de pachten
die daer af in ander eerste naestcomen[de] jaeren vallen en[de] verschijnen sulle[n] indyen
bij den hove van Hollandt verstaen [-ofte-] mocht woirden dese jegenwoirdige cautie zoe
wijt off breet behoeren te strecken en[de] sulcx in des[en] gerequireert te sijnen ende zoe
verre dat [-tproc-] 't proces van dess voorss. lande schattinghe mit diesser
aencleeft tusschen Hubert Claessz. Versteech ter eenre ende de voorn. Frans Peter Ottenssz.
ter ande[re] zijde zoe langhe voord[en] voorss. hove blijft hangen[de], sonder gedecideert
oft gheteermineert te woirden. Onde[r] welcke cautie en[de] borchtocht voorss. hij q. pantt
stelden, en[de] veroblygeerden hoirluyden p[er]soon ende alle [-sijne-] hoiren goed[eren] specialick en[de]
generaelick, rueren[de] en[de] onrueren[de]. present en[de] toecomen[de], vercregen off noch te vercrij-
gene, gelegen inden scependom van Gorinchem off elders op Heerlicke en[de] reale
executie vanden selven hove van Holl[an]t, op indyen naemaels bevonden
wordde den voorn. Frans Peter Ottenssz. totten voorss. lande nyet gerechticht
te wes[en] als bij hem tselve landt t'onrecht gedaen schatt[ing]e, off dat de
schattinge bij 'tselve hog verclaert wordde nul en[de] machteloos, omme
p[ar]tijen dy'ts concerneren hen daer aen te mogen verhalen. Ende wij scepenen
voorn. h?even en[de] verclaeren de voorn. twee borgen te samen en[de] elcken bijsonder
voor dese voorss. vruchten off pachten vand[en] lande voorss. in questie suffissant
genouch en[de] voor meer? sonder argelist. Ende des t'orconden hebben wij
scepen[en] voorss. elcx onsen segele hier aengehangen. Gedaen ende gegeven opten
Xc?.