Heusden RA310, 25-Apr-1575

Heusden R409, hernummerd tot Heusden R310, fol. 11

[p1.]
Dat Jan van Rijswijck Jansse verteegh op alle alsulcke actie, recht
ende toeseggen als hij heeft op zeecker erffgronden van landen
gelegen inden lande van Althenae. Te weeten van seven honden landts
gelegen tot Opandel, Henrick Boren erfg. erve gelegen oistwaert,
Ghijsbert Stessen erve westwaert, streckende vanden dijckavelinge
totten banne van Veen toe. Noch op een rentbrieff van
dertien Karolus gulden 's jaers staende op te voerss. erffenisse.
Noch op sijne gerechticheyt als hij heeft in een rentbryeff
van sevendalven Karolus gulden 's jaers, die d'erfg. van
Goessen Spirinck van Aelburch plaegen te gelden die alsnu
Ghijsbert van Heerdt gelt, van date den vyer ende twintichsten
octob[er] a[nn]o M Vc ende vijff ende twintich [1525]. Ende voerts met allen
sijn gerechticheijt, alle dese aencleven ende op alle bryeven
ende voerwaerden als daer aff sijn, tot behouff van Govaerdt
Jansse van Rijswijck, sijnen zoon, als hem geen recht daer meer aen
te behouden. Inde geloeffden, hadde hij daer eenigen commer
op gemaeckt met handen off met monde, dat hij hem

[p2.]
dien commer aff sal doen. Mitz conditien dat oft geviel
dat den selven Govaert Janssen van Rijswijck quame te sterven
sonder achter te laeten blijckende blijvende geboerten, sal 't selve wederom
sucedeeren, erven ende sterven op ten voerss. Jan van Rijswijck,
sijnen vader, off sijne gerechte erfg. Datum den
XXVen april a[nn]o 1575. Schepenen Aelbert Geritsse
Vermoelen ende Anthonis Symonsz. van Bardtwijck