Heusden RA312, 02-Nov-1577

[f.32]
Dat Anna Jan Jacobsdr. naegelaten wed. van Claes Jordenssen
saliger met haeren gecoren voocht ende momber als Jan Claessen, Jan
Sijmonssen als man ende momber van Mariken Jan Jacobsdr. dochter
sijnder huijsvrouwe, Jan Jacobsz. als erffgenaem van Jacob
Janssen voor hem selven mede vervangende Adriaen Jacobsz. sijnen
broeder ende hem daer voor sterckmaeckende ende Schalck Janssen
als man ende momber van Cornelia Jan Jacobsz. dr. sijnder
huijsvrouwe, verteegen op twee mergen lants soo groot ende cleijn
als die selve gelegen sijn inden banne van Drongelen opten Roije
het oude geseet ende Jan Simonssen voorss. erve d'een t'eynden
den anderen gelegen oostwaert, Gerit Ariaensz. erve gelegen
westwaert, streckende van Cornelis Geritsz. erve aff tot Jan
Jacobsz. erve toe. Noch op vier mergen lants gelegen inden

[f.33]
banne van Babilonienbrouck over den mostertdijck int nijeuwe
lant, Jan Buijs Cornelisz. erve gelegen oostwaert, die Cathuijsers
erve tot Coelen westwaert, streckende van Jan Buijs voorss. erve aff
totten banne van Andel toe, met dijck, sloot, etc., tot behoeff
van Adriaen Jan Jacobsz. als henluijden geen recht daer meer
aen te behouden. Ende gelooffden hadden sij luijden daer enigen commer
op gemaeckt etc. uuijtgenomen een ende twintich stuvers jaerlicx
die onser liever vrouwe ende sinte Cornelis Altaer binnen
Huesden opte voorss. vier mergen jaerlicx heffende sijn. Datum den
IIen novembris anno XVc LXXVII. Scepenen Adriaen Matijssen ende
Joost Waelwijnssen.