Heusden RA317, 15-Nov-1583

Dat Jan Doedijn Adriaenss. schout tot Genderen geloofden d'erfgenamen van
Staes Meeussen van Andel nu ende ten euwigen daegen costeloos ende
schadeloos te houden van alsulcke seven gulden 's jaers als de drie
dochteren van zaliger Seger Meerlants jaerlicx heffende sijn oft
plachten te heffen op sekere erffgoederen toebehooren[de] Peter
Berissoon vander Dussen, waer voor den voirn. Staes Meeussen
in sijnen leven tot behoeff van[de] voirn. Peter Berissoon, Claes
Geritsz. Smits, Cornelis Rijcken ende den voirn. Jan Doedijnsz.
wettelicke schadeloos brieven voer schepenen van Huesden heeft
gepasseert ende sijne speciale ende g[ene]rale goederen daer
inne verobligeert heeft gehadt die welcke soe den voirn.
Doedijn verclaerden voer deser tijt nyet te becomen en is.
Geloeven den selven t'allen tijden te casseren ende te
houden voer gecasseert, doit ende van egeender weerden
verbijndende den voirn. Jan Doedijn hier onder sijnen p[er]soone
ende alle sijne goederen hebbende ende vercrijgende, gereet
ende ongereet, waer die gelegen sijn, oft bevonden
mogen wordden, egeen uytgesondert. Datum den XVen
novembris XVc LXXXIII. Schepenen Alaert Woutersz.
ende Henrick van Outhuesden.