Heusden RA332, 23-Apr-1578

Compareerden voor schepenen der stad van Heusden Evert van Voirt
die welcke verclaerden gestelt ende geoppigouoireert te hebben oppiguoreerde
bij desen tot waerborge van dordalven mergen lants gelegen inden banne van
OpAndel inden lande van Althena aen den Souten dijck genaempt den Gaffel
camp groot dordalven mergen, soo groot ende clijen die aldaer gelegen sijn,
vercoft aen heer Philips Lanschot, woenende binnen der stadt Leijden, sekeren
sijn[en] Rapersweert gelegen tot Veen groot omtrent XXIII mergen Evert v[an] Voirt
voirn., oistwaert den gemeijnen dijck, suijtwaert streckende van den hoigen
dijck ter mase toe. Noch drie mergen gelegen inden peel tot Veen voorss.
eertijts gecomen van Jan Willemsz. de Wael, Jan Willemsz. de Wael
aen d'eene sijde, Jenneken Roelen aen d'ander sijde, streckende tot Goossen Janssz.
Backer tot Heusden erve toe, ende voirts sijn persoen ende allen anderen goederen
hebbende en[de] vercrijgende. Datum den XXIIIen aprilis 1578. Ende was
ondert[ekend]: Handrick Janssz. Kronen ende Daniel Peterssz.