Heusden RA338, 15-Jul-1603

[scan2280, f.30]
Dat Aernt Pauwelssen, wonende tot Veen, verteech op zijne portie,
recht ende gerechticheijt, hem competeren[de] ende [zoals] hij gerechticht
is, [in] eene geseetken, liggende binnen ende buijtens dijcks inden
banne van Veen, soe groot ende cleijn alle 't selve van Alit
Wouters gecomen is, Tonis Mateeussen oostwaert, Adriaen
Joosten den Jongen westwaert. Streckende van Antonis
Matheeussen erve aff totten hoogendijck toe, metten dijck,
thuijn, sloot, mase, ende weteringe, die daer metten recht
toebehoeren, ende op alle alsulcke brieven ende voirwaerden
als daer aff zijn, ten behoeve van Anthonis Matheeussen,
wonende tot Andel, als hem egeene recht daer meer aen
te behouden, met laste van drie st[uivers] die Sinte Anthonis
gilde daer op heeft ende niet meer tijns noch pachts.
Ende geloeffden hadde hij eenigen commer daer op gemaect
met hande ofte met monde dat hij dien commer sal affdoen.
Actum den XVen julij 1603. Coram Knoijen ende C. Gijsbertsen.

Vercoft bij affirmac[ie] partijen voir L g[ulden].

Dat Anthonis Matheeussen, wonende tot Andel, verteech
op twee mergen lants, soe groot ende cleijn die gelegen
zijn, inden banne van Veen, inde Veense slagen, Joost
van Scragen oostwaert, Bartholomeeus Tomassen met
Otto Janssen westwaert. Streckende van Philips
Dulsen erffgenamen erve aff tot Willem Janssen vanden
Huevels erve toe, metten dijck, thuijn, sloot, mase ende
weteringe, die daer metten recht toebehooren ende op
allen brieven ende voirwaerden als daer aff zijn ten

[scan2281]
behoeve van Cornelis Claessen, wonende tot Veen, als
hem egeene recht daer meer aen te behouden. Ende
geloeffden waerschap. Daer onder vebijndende zijne
parsoen ende goederen, hebbende ende vercrijgende. Datum
den XV julij 1603. Coram Knoijen ende Claes Gijsbertssen.

Vercofft van Ic XCII g[ulden] bij affiermac[ie] van p[ar]tijen etc.

[scans gehad van Dave Pol. Eerste scan ook gehad van Remco van den Heuvel]