Heusden RA339, 07-Apr-1604

Dat Margriet Dircx van Andel, weduwe van Handrick Joosten, wonen[de]
tot Giessen, met haeren gecoren voocht ende momboir als Jan Joosten,
woonende tot Veen, vervangende ende haer sterckmaeckende voor
Jenneken Henricx, haere dochtere, verteech op drie mergen lants
zoe groot ende cleijn als die gelegen zijn inden banne van Veen inde
Kievitsen, Jacop Diricxssz. tot Wijck oostwaert, de graefflicheijt
van Hollant westwaert, streckende van Joost Adriaenssz. van
Wijfflith erve aff ter Wijcxser stege toe, metten dijck, thuijn,
sloot, mase ende weteringe die daer toe metten recht behooren, ende
op alle alsulcke brieven en[de] voirwaerden als daer aff zijn ten behoeve
van Hannaert van Gammeren als haer egeene recht daer meer aen te
behouden. Ende gelooffden hadde zij eenigen commer daer op gemaect
met hande ofte met monde, dat zij dien commer sal affdoen. Bekenden
zij al betaelt te wesen den lesten penninck metten eersten. Actum den
VIIen aprilis 1604. Ende was onderteeckent A. van Gemert ende
Sijmon Aertssz.

Hiervan en heeft Gammeren egene
XL penn[ing[ begeren te betalen.
seggende dat hij dairvoer nyet en
betaelde dan de dijck ?onde...?