Heusden RA738, 30-Jan-1556

Wij Theodorick Spierinck van Wel [-abt ende-]
bij der geheuchenisse godts Abtt ende prelaet
des convents ende godshuyse van Bern buyten Huesden
doen condt allen luyden die desen onsen tegenwoerdigen
brieve sien, hoeren ende getoent zal worden,
dat wij voor mannen van leenen hier
naebescreven [-verlee-] verlijt ende verleent
hebben verlijden ende verlenen mits desen [-Jan Wo-]
Jannen Woutersz. van Wijck acht honden
lants gelegen inden banne van Andel, daer
aff Stees Aerts zoens erffenisse gelegen is oostwert,
ende [-de erffenisse zeeckere de anders-] d'erffnisse
vanden zelven Stees Aertsz. mit de erffnisse van
de voorn. Jan Woutersz. d'een t'enden den anderen
gelegen westwert, streckende voor vander
straten [-tott-] tot Hubert Woutersz. erfnisse toe.
Te houden van ons ende van onsen nacomelingen
abten ende prelaten inder tijt tot Bern, tot
eenen rechten onversterffelicken erffleen. Ende
voorts in alre manieren als zijne voorsaten
dat van ons te leen gehouden hebben.
Behoudelicken ons ende eenen yegelicken
zijns rechts. Ende hier aff heeft
de voors. Jan Woutersz. van Wijck aen handen
van ons stadthouder van onse leenen Steven
Blanckert hult, eedt ende mantschap van
trouwe gedaen mit allen solempniteyten van rechten
die hij van rechts wegen daer toe schuld[ig] was
te doene. Hier hebben bij, aen ende over geweest
Dirick Ottenz. vanden Wyel onsen leenman, Peter
Jansz. van Ypelaer de Oude ende Jan van Clootwijck
leenmannen der graefflijckh[eid] van Hollandt
in absentie van[den] onsen [-ende-] tot desen gebeden ende versocht.
Des t'oerconden hebben wij Theodorick Spierinck
van Wel abt ende prelaet voorss. desen brieve
met ons segelen bezegelt. Geg[even] int jaer
ons heren duysent vijffhond[er]t ses ende
vijftich [-de-] op ten dertichsten dach in januario.

[scans gehad van zowel Dave Pol als Remco vd Heuvel]