Woudrichem RA578, 28-Feb-1579

[f.53 onderaan]
Compareerde Nicolaes Anthonisz., gerechtsbode tot Woudrichem. Ende
heeft ter versoecke van Dirck van Zevender als schout tot Giessen
opte Mercktstraet van Woudrichem geveylt o[m]me te vercoopen seeckere
anderhalve merghen, vermits geleghen inden gerechte van Giessen in't
Endevelt, die de voorss. schout [-aff-]gericht heeft, toebehoorende totten Heyligen
Geest altaer tot Giessen. Ende die wete vandien gedaen bij openbare [-dikt-]
edict. Ende dit uit saecke dat voorss. lant bij twee
diversche waersluyden overgelevert. Die eene gedaen bij Segher
Loeyensz. van Emmechoven als hooge waersman van Andel, ende

[f.53v]
Giessen, opten mergen II stuyvers. Ende noch bij J?an Cornelisz. als waersman
van't Endevelt opten merghen X?IX st. beijden vanden jaere LXXVI, facit
aen d?ubbelen g?elde II gl. IX st. behalve die gerechtelijcke costen. Ende
van welcke Richtinge die voorsz. gerechtsbode  hij .. verclaert
heeft Steven Jacopsz. als gemachticht schout tot Giessen gedaen te
hebben drie sondachse geboden binnen den dorpe van Giessen van de
voorss. Richtinghe volghende zijne attestatien ons gebleken, sonder eenige
bestoringe ter contrarie geschiet wesen. Ende heeft die voorss. ghe-
rechtsbode daer nae 't voorss. lant opgehanghen ende affgeslaeghen. Ende
is int affslaen gemijnt bijden voorss. Dirck van Zevender voor
die so[m]me van drie gl. tot XX st. 't stuck.